Araziko lantaldeak Pasaia 2030, klima-aldaketa, energia-trantsizioa eta ohitura jasangarriak herritarrengana hurbiltzeko komunikazio eta sentsibilizazio kanpaina garatu du.
Pasaia Berdea martxan da! Pasaiako herritarrak trantsizio ekologikoaren erronketan inplikatzeko sortutako komunikazio-kanpaina da. Egitasmoaren helburua izan da Pasaiako Klima eta Energia Plana eta Agenda 2030 Plan Estrategikoa modu ulergarri, hurbil eta erakargarrian gizarteratzea, klima-aldaketari aurre egiteko ekintzetan herritarren parte-hartzea sustatuz.
Kanpainak hainbat euskarri uztartu ditu: etxez etxe banatutako informazio-liburuxka, sare sozialetarako bideo laburrak, udal webguneko ingurumen-atalaren berrantolaketa eta herritarrentzako mezu dibulgatiboak. Edukietan gai nagusi hauek landu dira: hondakinen kudeaketa, mugikortasun jasangarria, energia-kontsumoa, energia berriztagarriak eta klima-larrialdiaren aurrean eguneroko ohiturek duten garrantzia.
Araziko lantaldeak kanpainaren kontakizuna, edukien egitura eta tonu komunikatiboa landu ditu, mezua instituzionala izateaz gain herrikoia, ulerterraza eta gertukoa izan dadin. Horretarako, Pasaiako lau barrutien izaera eta eguneroko errealitatea hartu dira kontuan, herritarrek beren burua kanpainan islatuta ikus dezaten.
Bezeroa:
- Pasaiako Udala
Buruturiko lanak:
- Kanpainaren kontzeptu komunikatiboa eta lelo nagusia garatzea.
- Pasaia 2030 eta Klima eta Energia Plana herritarrei azaltzeko dibulgazio-estrategia diseinatzea.
- Herritarrentzako mezu nagusiak egokitzea, hizkera hurbil, argi eta erakargarrian.
- Euskarazko eta gaztelaniazko komunikazio-edukiak sortzea.
- Informazio-liburuxkarako testuak eta egitura prestatzea.
- Sare sozialetarako bideo laburren gidoiak eta mezuak lantzea.
- Hondakinen kudeaketa, energia-kontsumoa, mugikortasun jasangarria eta klima-ekintza bezalako gaiak modu ulergarrian azaltzeko edukiak sortzea.
- Pasaiako lau barrutiak kontuan hartzen dituen komunikazio-planteamendua garatzea.
- Udal webguneko ingurumen-atalerako edukiak antolatu eta egokitzea.
- Herritarren inplikazioa sustatzeko tonu herrikoia, parte-hartzailea eta sentsibilizatzailea lantzea.