Arazin, Donostia Euskalduntzeko Urratsak ekitaldiaren estrategia, komunikazioa eta garapen integrala landu ditugu, euskararen etorkizunaren inguruko kontakizun kolektibo eta inspiratzailea eraikitzeko. Kontzeptualizaziotik exekuziora arteko bidea koordinatu dugu, komunikazioa, emozioa eta esperientzia uztartuz.
Ekitaldiaren narratiba eta identitate bisuala sortu ditugu, “urratsak” ideiaren inguruan nortasun propioa eraikiz. Horrez gain, ikus-entzunezkoen planteamendua, sare sozialetako komunikazioa, prentsa-harremanak eta euskarri grafikoen diseinua landu ditugu, ekitaldiaren oihartzuna eta herritarren aktibazioa indartzeko.
Era berean, eskaleta, gidoiak, produkzio teknikoa eta hornitzaileen koordinazioa gidatu ditugu, Tabakalera-ko Prisma Aretoan egindako aurkezpena esperientzia bateratu eta esanguratsu bihurtzeko.
Lan honek Araziren lan egiteko modua islatzen du: ideiak, pertsonak eta komunikazioa konektatuz, proiektuak hasieratik amaierara modu integralean laguntzea.
Bezeroa:
- Donostiako Udala
Buruturiko lanak:
- Ekitaldiaren estrategia eta kontzeptualizazioa.
- Narratiba eta identitate bisualaren garapena.
- Ikus-entzunezkoen koordinazioa.
- Sare sozialetako eta prentsako komunikazioa.
- Kartel, gonbidapen eta euskarri grafikoen diseinua.
- Eskaleta eta gidoien prestaketa.
- Produkzio teknikoaren eta hornitzaileen koordinazioa.
- Ekitaldiaren exekuzio integrala.