“Planeta dantzan” programa aitzindaria eta berritzailea da, Malandain Ballet Biarritzek eta Cristina Enea Fundazioak garatua, d’Ici-Tokiko Fundazioak eta Aline ForielDestezet-en laguntzarekin. Ikasleak ingurumenaren ezagutzaren eta babesaren inguruan sentsibilizatzea du xede, ezagutza zientifikoak eta artistikoak partekatuz eta alderdi arrazionala eta alderdi emozionala lotuz.
Testuinguru horretan, programaren proposamen didaktikoa sortu du Arazik. Bigarren Hezkuntzako lehen zikloko ikasleei eta irakasleei zuzenduta dago, eta fenologia landare, intsektu, herpeto eta hegaztien urtaro-erritmoetan oinarrituta lantzeko 4 jarduera biltzen ditu.