Euronet 50/50 proiektuaren helburua eraikin publikoetako energia aurreztea da. 50/50 metodologiaren bitartez, kontsumoan aurrezten den diruaren % 50a ikastetxeari ematen zaio, nahi duenerako erabil dezan. Gainerako % 50a, aldiz, Udalak erabiltzen du ikastetxeetan bertan energia aurrezteko eta energia-efizientzia hobetzeko inbertsioetan.
Arazik, proiektuan partaide diren ikastetxeen kudeaketa burutzen du, garatu beharreko fase ezberdinentzako baliabideak eskainiz eta haiek dinamizatuz. Hala, energia taldearen sorrera, diagnostikoa edota ekintza-planaren diseinua zuzentzeaz gain, familiei bideraturiko buletinak, komunikaziorako kartelak, ikasleen koadernoak eta infografiak ere sortzen du Arazik.