ETXEKOAK publizitate kanpaina

  /    /  ETXEKOAK publizitate kanpaina

'Etxekoak' publizitate kanpaina sortu dugu, gabon garaian bertako produktuen kontsumoa sustatzeko

‘Etxekoak’ publizitate kanpaina sortu dugu, gabon garaian bertako produktuen kontsumoa sustatzeko. Telebistarako bideo spot-a, irrati kuñak, eta prentsarako zein markesinetarako kreatibitateak landu ditugu.
Proposamena jaso orduko gure egin genuen proiektua eta lehen pausoa mahaira talde kreatiboa esertzea izan zen. Bertako, tokiko, km0 produktuak kontsumitu behar direla esateko, eta inguruko baserritarrak gerturatzeko ETXEKOAK hitzak hartu zuen indarra eta kanpainako lelo bilakatu genuen.

ETXEKOAK
Bertakoak, kalitatezkoak, gureak.
Orain, inoiz baino gehiago, erosi ditzagun gure baserritarren produktuak.
Erosi geurea, eroski Gipuzkoa.

Kanpainaren aurpegiak izango ziren lau baserritarrak ere aukeratu genituen, horretarako azpisektore ezberdineko profilak topatuz, eredu gazte eta indartsuak lehen planora ekarriaz, eta baita beraien produktuak ere. Irudi potente eta deigarria sortuaz. Maite Otaño, Adur Gorostidi, Inaxio Ameztoi eta Vanesa Barriuso-rekin buru-belarri jardun dugu kanpainako mezuak irudikatzeko, ahalik eta baserri, lursail eta azoka egokienetan grabatuz.
Lan taldearen inplikazioa izugarria izan da, eta ilusio handiz aritu gara. Ea gipuzkoarrengan mezua iristeko baliagarria gertatzen den eta gabonetan “etxeko” produktuak erosten ditugun.

Buruturiko lanak:
  • Kanpainaren definizioa: estiloa, mezua, irudia, aktore lanetarako pertsonen hautaketa.
  • TV spotaren grabaketa, bideo ekoizpena: grabaketa guneen aukeraketa, grabaketa saioak, bideo edizioa.
  • Lokuzioa: testuen definizioa, lokutorea, irrati kuña eta bideoetarako audioaren sorrera.
  • Karteleria, markesinak: Kreatibitateen sorrera.
Zerbitzua
Tags: