Debagoieneko Mankomunitateko komunikazio-sentsibilizazio kanpaina

  /    /    /  Debagoieneko Mankomunitateko komunikazio-sentsibilizazio kanpaina

Debagoieneko Mankomunitateko komunikazio-sentsibilizazio kanpaina

Debagoieneko Mankomunitateak antolatutako hondakinen sentsibilizazio kanpaina garatu du Araziko lantaldeak, Debagoieneko bailaran ontzi arinen sorrerak eta sailkapenak sortzen dituen arazoen berri eman eta biztanleria sentsibilizatzeko asmoz. Adin guztietako herritarrei zuzendutako ekintzak bideratu dira, komunikazio eta sentsibilizazio jarduerak eskainiz. Horrela, herritarren partaidetza sustatzeko udalerriaren egoera hobetzeko ideiak jaso dira web bidez, partaideen artean garapen jasangarriaren alde egiteko baliabide ezberdinak zozketatu direlarik. Horrela, bi hilabetetan zehar Debagoieneko mankomunitateko kide diren 8 udalerrietara bertaratu eta ekimen ezberdinak garatu dira, herritarrengana kanpaina hurbildu eta haien inplikazioa lortu asmoz. Aurrez aurre, informazio puntua eskaini zaie herritarrei, adin ezberdinetako haurrei zuzendutako ekintzekin batera: murala, ginkana, etab. Araziko lantaldeak baliabide guztien definizioa, diseinua eta sorrera bideratzeaz gain, aurrez aurreko ekintzak antolatu ditu, proiektuaren hasieratik amaieraraino burutuz.

Buruturiko lanak:
  • Komunikaziorako baliabideen definizioa, diseinua eta garapena.
  • Aurrez aurreko jardueren antolaketa eta garapena, adin ezberdinetako herritarrei zuzendutako ekintzak bideratuz.
  • Kanpainaren balorazioa, komunikazioa eta memoria txostena.
Tags: