Zestoako Agiro Mendi Klubaren eta Araziren arteko lankidetzaren fruitu emankorra da. Arazik Ekainberriko ondarea ezagutarazteko eta gizarteratzeko helburuarekin egiten duenez lan, mendizaletasuna eta ondarea batzen dituen kirol ekitaldia da Kobaz Koba Trail, bisitariek eta bertakoek gozatu dezaten Zestoataz, bere mendi eta ondare paregabeaz. Arazitik sortu eta kudeatzen dugu Kobaz Koba Trailen iruditeria eta material grafiko guztia (www.kobazkobatrail.com webgunea, logoak, dortsalak, faldoiak, banderolak…), babesleekin harremana, izen-emateak, korrikalarien gida… Horrela, Agiro Mendi Klubarekin elkarlanean, Arazin ditugun baliabide guztien arteko sinergiak lortuz, urtez urte arrakastatsuago izaten ari den eta Zestoako herriarentzako horren positiboa den Kobaz Koba Trail kirol ekitaldi jendetsua posible izatea lortzen dugu.