Haur eta gaztetxoak etorkizuneko munduko hiritar izango direnez, ezinbestekoa da ohitura eta jarrera egoki eta ez erasokorrak garatzea. Zentzu honetan, ingurumen sentsibilizazioan eraginkorra den Eskola Agenda 2030 programan burubelarri dihardugu lanean, udalerri zein hiri ezberdinetan: Donostia, Gasteiz, Oñati, Aretxabaleta, Bergara… Bertatik bertarako diagnostiko eta materialak sortuaz, udalerriko haur eta nerabeek udalerriaren egoera aztertu eta hobetzeko proposamenak luzatzen dizkiete udal taldeko ordezkariei, Araziko lantaldearen eta Ingurugelako ordezkaritzaren gidaritzapean.