Archive

Archive for category: Ekitaldien antolaketa

Ekainberriren 10.urteurrena: Ice Age Europe erakusketaz gozatzeko aukera paregabea

Categories: Ekitaldien antolaketa, Jardunaldi antolaketa, kultur ekitaldiak, Museoen kudeaketa eta dinamizazioaTags: , , , , , , , Author:

Ekainberriren 10. urteurrena dela eta martxoaren 15-18 bitartean Ice Age Europe Meeting ospatuko da,  non Izotz Aroko europear museo nabarienek topo egingo duten. Bilerak Gordailuan burutuko dira Ekainberrira bixitak izango dira. Read more →

Itsasoa eta arrantza ezagutzeko egonaldietan ikasi eta gozatu dute 1.851 ikaslek 2017. urtean

Categories: gida lanak eta bisita gidatuak, haurrei zuzenduriko ekitaldiak, Hezkuntza eta sentsibilizazio kanpainak, ingurumenari loturiko ekitaldiakTags: , , , Author:

Euskal Itsasoa programa didaktikoak itsasoa eta arrantza jasangarria lantzeko aukera eskaintzen die 3-18 urte bitarteko ikasleei, egun bat, bi edo hiru eguneko egonaldiak eskainiz. 2017. Urtean 2.001 hartzaile izan ditu, horietako 1.851 ikasleak izan dira, eta gainontzeko 150, irakasleak.

Egonaldiak euskara hutsean burutu dira Urola Kostako herrietan barneratuz. Getaria, Orio, Zarautz eta Zumaian ingurua bertatik bertara ezagutzeko ekintzak antolatu dira, heriotzarik gabeko arrantza saioa eta itsasontziko irteera gidatua arrakastatsuenak izan direlarik.

Itsasoaren ezagutza ezinbestekoa da gure eguneroko bizitzan hartu beharreko erabakiak jasangarriak izan daitezen: ingurumenaren inguruko ardura, elikadura osasuntsua, ekonomia iraunkorra, hondakinen kudeaketa, klima aldaketa, etabar.

Irakasleen balorazioa 9 puntukoa izan da (0tik 10era), ikasleei eskainitako egitaraua, ingurua eta hezitzaileek erabilitako metodologia puntu baloratuenak izan direlarik. Programa didaktikoa curriculumarekin bateragarria da eta ikasleen adinaren arabera egokitzen da.

euskal itsasoa

Kobaz Koba Trail 2018, 500 korrikalari baino gehiago lehen gizakiaren bidea jarraituz

Categories: Ekitaldien antolaketa, ingurumenari loturiko ekitaldiak, kirol ekitaldiakTags: , , , , , Author:

Pasa den igandean, otsailak 18, Kobaz Koba Trail lasterketaren 3. edizioaren antolaketan parte hartu zuen Arazik, Agiro Mendi Klubarekin elkarlanean. Kirol proba hau Zestoako inguru ederretan barrena kokatzen da eta aurten partaide kopuruak gora egin du, 500 korrikalarira iritsiz, dortsalak agortu direlarik. 

Kobaz Koba Trail-ek bi ibilbide desberdin eskaintzen ditu, bata Artzei, 13km-koa eta bestea Zaldei, 25km-koa. Horrez gain naturarekin harreman zuzenagoa bizi nahi dutenentzako Barefoot Naturalki Minimal Runner kategoria eskaintzen da, non partaideak oinutsik edo oinetako minimalistekin joan beharra duen.

Aurtengo irabazleak Zaldei ibilbidean Uxoa Irigoyen Odriozola getariarra eta Julen Martinez de Estibaliz barrundiarra izan dira eta Artzei ibilbidean berriz Vanessa Pelaez Martinez andoaindarra eta Xabi Lete Blain oñatiarra. Barefoot kategorian Zaldei bidean  Egoitz Asuabarrena Zipitria izan dugu lehena eta Artzei bidean Pablo Juaristi San Jose.

Natura eta historiaurrea uztartzen dituen lasterketa honi buruzko informazio gehiago jaso nahi baduzu bisitatu Kobaz koba Trail-en webgunea.

 

Ekainberri museoa III. Arte labarreko eta kultur turismo gidentzako nazioarteko mintegian

Categories: gida lanak eta bisita gidatuak, kultur ekitaldiak, Museoen kudeaketa eta dinamizazioaTags: , , , Author:

Pasa den astean Morellan (Castelló) ospatutako III. Arte labarreko eta kultur turismo gidentzako nazioarteko mintegian izan ziren Ekainberri museoko ordezkariak. Arlo honetako kultur giden formakuntzan laguntzeko asmoz aste osoan zehar hainbat hitzaldi ospatu ziren eta baita Morella La Vellako ondarera bisitak.

Ostiralean, Ekainberriko koordinatzaile den Eneko Calvok labar guneetan jarduten duten gida eta zaintzaileek izan ditzaketen lan-arazoen inguruko mahai-inguruan parte hartu zuen, museoan burutzen den lan eta esperientzia elkarbanatuz mintegian izandako partaideekin.

Hona hemen mahai-inguruko irudi batzuk:

morella hitzaldia 02

morella hitzaldia p1

Algorri Interpretazio Zentroaren bisitari kopurua %14an handitu da 2017an

Categories: Bisita gidatuak, haurrei zuzenduriko ekitaldiak, Hezkuntza eta sentsibilizazio kanpainak, ingurumenari loturiko ekitaldiak, Museoen kudeaketa eta dinamizazioa, turismoa sustatzeko ekitaldiak, unitate didaktikoakTags: , , , , Author:

Algorri, Zumaiako Natur Baliabideen Interpretazio Zentroak %14ko hazkundea izan du azken urtean bisitari kopuruari dagokionez, guztira 16.232 bisitari izatera iritsiz. Algorriko bisitari kopurua hirugarren urtez jarraian hazi da, 2014tik 2017ra %69 igoera izanik (2014an 9.581 hartzaile eta 2017an 16.232 hartzaile).

Bisitarien tipologiari dagokionez, eskaintza didaktikoko publikoak 2017ko bisitari guztien %57a suposatzen du, taldeek guztiaren %18a eta bakarkako bisitariek %31a. Kalitatearekin harturiko konpromisoak irakasleen balorazioaren emaitzan ondorioztatzen da, 10 puntutatik 9,1 puntuko batezbestekoa jaso delarik.

Urtean zehar zentroaren helburuak gizarteratzeko ekintzak antolatu dira, hala nola hileko lehen larunbatean eta herriko jai egunetan doako jardueren eskaintza haurrentzat zein familientzat eta Algorri Interpretazio Zentroak eskaintzen dituen irteera mota guztiak doan ezagutzeko aukera zumaiarrentzat.

Irakurri Baleike aldizkariaren albiste osoa: Algorri Interpretazio Zentroaren bisitari kopurua %14an handitu da 2017an

Zumaiako ikasleak udalerria ezagutzeko programan murgilduko dira

Categories: Hezkuntza eta sentsibilizazio kanpainak, ingurumenari loturiko ekitaldiak, unitate didaktikoakTags: , , , , Author:

Urte berriari hasiera eman eta Zumaiako ikasleak udalerria ezagutzeko heziketa programan murgiltzear daude. Urtarriletik martxora bitartean herriak bizi duen bilakaera aztertzeko ekintza ezberdinak burutuko dituzte, gizakiak ingurumenari eragindako kalteen inguruan hausnartuz eta ohitura onak sustatuz.

Zumaiako Udalak antolatutako ingurumen heziketa programa honetan, Lehen Hezkuntzako 5. eta 6. mailako eta DBHko 1go eta 2. mailako ikasleek hartuko dute parte. Hala, Zumaiako Institutuko, Zumaiako Herri Eskolako, Maria eta Jose ikastetxeko eta Oikiako Herri Eskolako 480 ikasle inguruk parte hartuko dute, eta programaren garapena Arazi enpresako hezitzaileen laguntzarekin burutuko da.

Lehen hezkuntzako 5. mailako ikasleek ‘Denboraren bila’ ikas-unitatea landuko dute eta Lehen Hezkuntzako 6. mailako ikasleek ‘Argazki rallya’.  Derrigorrezko Bigarren Hezkuntzari dagokionez,   1. mailako ikasleek ‘Zumaia eta Artea’ unitatea landuko dute eta Derrigorrezko Bigarren Hezkuntzako  2. mailako ikasleek ‘Ontzigintza Zumaian’

Programa honen helburua Zumaiako ikasleek herriaren ezagutzan sakontzea da.