ARAZI IDEIAK BOROBILTZEN EUSKARALDIAREKIN BAT

Arazi Ideiak Borobiltzen-eko kideak ere ahobizi edo belarriprest izango gara 11 egunetan zehar Euskaraldian. 

Euskararekiko gure konpromezua areagotzea dugu helburu, egunerokoan euskara gehiago erabiltzeko ariketa honetan parte hartuz.

Izena eman ez duzuenek animatu Euskaraldian parte hartzera, izan ahobizi edo belarriprest!

ALGORRI INTERPRETAZIO ZENTROAN ITSUENTZAKO MATERIAL BERRIA

Zumaiako GKN Driveline enpresari esker Algorri Interpretazio Zentroaren eskaintza didaktikoa egokitu da ikusmen murritza duten pertsonentzat.

Zentroaren seinaleztapena hobetu eta material didaktiko berria sortu da, erliebezko nahiz brailezko lamina eta irudiekin, kolektibo honek bertako ondare geologikoa hobeto ezagutu dezan. Iadanik martxan da material berriaren erabilera eta harrera beroa izan du erabiltzaileen artean.

Informazio gehiago eskuratu nahi izanez gero jarri harremanetan Algorri Interpretazio Zentroko lagunekin, ilusio haundiz laguntzeko prest egongo dira!

STARTINNOVA ELKARRIZKETA DIGITALA ARAZIren ESKUTIK

Urriaren 19an, ostirala, Tolosako Herrikide Eskolapioak Institutuan izan ginen HACHES aholkularitza enpresako Marta Arcaute ekintzailearekin; bertan, STARTinnovan parte hartzen ari diren ikasleekin elkarrizketa digitala ospatu genuen, ikastetxe guztietara heltzeko streaming bidez emititu zelarik.

Ordu erdi inguruz Marta etorkizuneko ekintzaileen dudak argituz ibili zen eta enpresa handitik bakarrik ekiterako urratsaz hitz egin zigun.

El Diario Vascoko webgunean elkarrizketa osoa ikusteko aukera duzue.

Arazi Kontziliazio erantzunkidearen aldeko enpresen sarean

Irailaren 14ean, ostirala, kontziliazio erantzunkidearen aldeko Gipuzkako enpresen sarea jarri zen martxan Aldundiaren Etorkizuna Eraikiz Gunean ospatutako lehen topaketa batekin.

Honetan hogei enpresa inguruk ekin diote bideari, emakumeen eta gizonen berdintasuna eta kontziliazio erantzunkidea euren erakundeetan bultzatzeko nahia dutenak.

Espresa horien artean aurkitzen da Arazi eta Izaskun Isasti bertan izan zen enpresaren ordezkari.

Orain Gipuzkoak bere ekimenaren berri ematen digu “Abian da Erantzunkide sarea” albistean eta horrez gain, El Diario Vasco egunkariak gertuagotik jakin nahi izan du Izaskun Isasti (Arazi), Rosa Peña (Askora) eta Nerea Burutaránen (Ikerlan) bizipenak, atzo hilak 19 argitaratutako “La eterna batalla por la conciliación laboral” albistean.

Irailaren 16ean egin ZANBULLA!

Atzo, Irailak 5, “Zanbulla” ekitaldia aurkeztu zen Donostiako GU diskotekan. Bertan Mikel Sarriegi (Adegi), Ager Lasurtegi (DV), Joxe Murua (Laboral Kutxa) eta gure lankidea Amaia Isasti bildu ziren irailaren 16ean Kontxako hondartzan ospatuko den kirol probaren berri emateko. 

Goiz borobila izango da eta haur, gazte zein helduk parte hartzeko aukera izango dute. Lehenik haurren Uratloi Txikia burutuko da 9:30etan eta ondoren “Zanbulla”-ren ordua izango da, 11:30etan.

Honetan lagun artean edota enpresa bezela har daiteke parte hiruko taldeak osatuz eta 750m eta 1500m-ko distantzien artean aukeratu daiteke. Horrez gain 350m-ko aurre erronka dago, probarako martxan jartzeko aitzaki ezin hobea izanez.

Informazion gehiago jaso nahi baduzue kontsultatu ZANBULLA ekitaldiaren webgunea.

LILI JAUREGIA, UROLAKO ALTXORRA

Larunbatean El Diario Vascok bere asteburuko FIND gehigarrian Zestoan kokatzen den Lili Jauregiaren inguruko artikulua argitaratu zuen. 

Bertan izan ditzakegun bizipenen berri eman zigun egunkariak, baita Andre Madalenen pertsonaiaren bitartez bisitaria XVII.mendeko amaierara eramaten duen bisita gidatuei buruzko informazioa ere. 

Historiaz betetako eraikin honek gordetzen dituen sekretuak ezagutu nahi badituzue informazio gehiago Lili Jauregiaren webgunean topa dezakezue.

Lili Jauregia Diario Vasco