Zumaiako ikasleek herria hobetzeko proposamenak luzatu dizkiote alkateari

“Zumaia Ezagutzen” programa didaktikoaren baitan herriaren bilakaera historikoa aztertu dute Lehen hezkuntzako 5. mailako ikasleek. Zumaiak hiri-gutuna eskuratu zuenetik gaur egun arte bidaia eginez herriko historia ezagutu dute eta haien ondorioak alkateari aurkeztu dizkiote otsailaren 21ean San Jose komentuan ospaturiko bileran.

Ikasgelan girotze saioa eta herriko kaleetan zehar “Denboraren Bila” izeneko jolasa garatu ondoren, etorkizunera begira jarri dira haurrak eta herriaren egoera hobetzeko ideia ugari sortu dira. Itsasoko plastikoak garbitu, herriko parkeak hobetu eta kirol instalazio berriak egiteko beharra nabarmendu dute, ingurumena, euskara, mugikortasuna eta bestelako gaiekin lotura duten proposamenak aurkeztearekin batera. 

Zumaiako Udalak antolatutako ingurumen heziketa programa honetan, Lehen Hezkuntzako 5. eta 6. mailako eta DBHko 1. eta 2. mailako ikasleek hartzen dute parte. Horrela, Zumaiako Institutuko, Zumaiako Herri Eskolako, Zumaiena Ikastetxeko  eta Oikiako Herri Eskolako 500 ikasle inguruk herriaren ezagutzan sakonduko dute.

ARAZI garapen jasangarria sustatuaz Eskola Agenda 21 programaren bitartez

ARAZIko lantaldeak urteak daramatza hezkuntza proiektu honetan murgildurik eta dagoeneko esperientzia zabala du. Read more →

Zorionak eta urte berri on: 20 urte joan dira baina onena iristear dago! 

Zuhaitzetik eroritako hazi soila bezala ekin genion duela 20 urte…

Lurzoru biluzian ernetzen saiatu ginen eta, lana beltz egin ondoren, sustraiak garatzeko gaitasuna izan genuen. Haien bitartez, poliki-poliki ikasten eta gorpuzten joan ginen, hainbat hostoz osaturiko landaretxoa bilakaturik jada. Konturatzerako 10 urte! Read more →

Arazi ekintzailetasuna sustatuz ikasgeletan STARTinnova proiektuaren bitartez

2018-2019 ikasturtean El Diario Vascoren proiektua den STARTinnovako 7º edizioa ospatzen ari da, ikastetxeetan gazteen artean jarrera ekintzaileak sustatzeko asmoz. ARAZIk programa honen garapenean dihardu lanean eta Euskadi eta Madrileko jarraipen eta kudeaketa lanak burutzea du helburu. 

Ikasturtean zehar hiru hizketaldi digital burutu dira eta ekintzaile ugari izan ditugu partaide. Hauetako bakoitza ikastetxe batera gerturatu da burututako lan proeiktuaren inguruan hitzegin eta ikasleekin solasaldi bat ospatzera. Gainera, hauek sortzen ari diren proiektu berrietan izan ditzaketen hainbat galderari erantzuna emateko aukera ere izan dute. 

Parte hartzen duten ikastetxe guztiek streaming bidez topaketa hauen unean uneko jarraipena egiteko aukera izan dute. 

DVk argitaratutako albiste honetan Haritz Zabaleta, FESIA TECHNOLOGY startup-aren sortzaileak Antigua-Luberri ikastetxean emandako hizketaldiaren berri dugu.

ARAZI IDEIAK BOROBILTZEN – Berdintasuna gizarteratzen

2018 urtean zehar ARAZIk organizazioaren barne kudeaketa hobetzeko ahalegin berezia egin du, datozen urteetan bide berdinetik jarraitzeko konpromezu irmoa hartuaz. Pixkanaka ereindako fruituak jasotzen hasi garen une honetan, genero berdintasunaren arloan, Berdintasun Plana lantzearekin batera, Erantzunkide Enpresa Sarean sartu izana elkarbanatu nahi dugu zuekin. 

Gure enpresaren DNAn dugu berdintasuna barneratuta, lantalde anitza da gurea disziplina zein genero aldetik. Gure helburu nagusienetako bat berdintasuna erakunde barrutik gizarteratzera eta gure eragile guztiei zabaltzea da.  

Jarraian gure konpromezua zabaltzeko sortu dugun bideoa duzue.

ARAZI-k Euskalit-ek Kudeaketa Aurreratuari eskaintzen dizkion Euskal Sarietan Aintzatespena lortu du

2008an hasi zen ARAZI kudeaketan bikaintasuna lortzeko bidean lehen urratsak ematen. Hamar urte beranduago bide horretan jarraitzen dugu, Euskalit-eko Kudeaketa Aurreratuko Eredua oinarritzat hartuz. Azaroan jaso dugun kanpo kontrastearen ondoren, atzo Euskalduna Jauregian ospatutako Kudeaketa Aurreratuaren Euskal Sariaren ekitaldian aintzatespen gisa diploma jaso genuen.

Read more →