Archive

Archive for category: kirol ekitaldiak

II. NIK TRI UDALEKUAK AROTZ-ENEAN 2017

Categories: Ekitaldien antolaketa, haurrei zuzenduriko ekitaldiak, kirol ekitaldiakTags: , , , , , , Author:
Abuztuak 7an Arotz-Enea aterpetxean elkartu ginen Nik Tri udalekuetan triatloiaz gozatu, euskaraz hitz egin eta ongi pasatzeko irrikan geunden 9-14 urte bitarteko hainbat gaztetxo. Igaro dugun astea zoragarria izan da, nahiz eta eguraldiak ez digun asko lagundu. Goizetan triatloi ekintzat landu ditugu eta arratsaldeetan berriz, aisialdiko ekintzak izan dira nagusi. Abuztuak 12an, azken egunean, aste osoan zehar landutakoa praktikan jartzeko aukera izan genuen. Gehiengoentzat gure lehen triatloia izan zen. Nekatu ginen bai, baina zeinen dibertigarria!

 Egonaldian gertatu zaizkigun gauza guztiak hitzez adierazi ezin ditugunez, bideo bat sortu dugu gure esperientzia barrutik ikus dezazuen. Ea ikusten guk parte hartzen bezainbeste gozatzen duzuen:

https://www.youtube.com/watch?v=gPEPSkopvhM

Pazko Asteaz gozatu dugu triatloia euskaraz praktikatuz

Categories: Ekitaldien antolaketa, haurrei zuzenduriko ekitaldiak, kirol ekitaldiakTags: , , , Author:

Apirilak 18-21 bitartean #izanniktri III. Triatloi goizak Pazko astean 2017 egonaldia ospatu dugu Nik Tri Lagunak. Egunero 10:00etan Hegalak zentroan elkartu gara, eta 13:00ak arte denbora nahikoa izan dugu lagun berriak egin, triatloia praktikatu eta baita tranpa txiki batzuk egiteko ere, baina batez ere, opor egunak gozatzeko.
Read more →

NIK TRI ekimenean 2017a gogotsu eta ilusioz hasi dugu

Categories: Ekitaldien antolaketa, kirol ekitaldiakTags: , , , Author:

2016 urtea II. Nik Tri Negulekuekin batera joan zitzaigun, eta denbora galdu gabe Askizun bildu ginen denok elkarrekin 2017 urteari ongietorri beroa emateko.

Denboraldi berria gogotsu eta indarrez hasteko asmoz, Aretxabaletako 100×100 igeriketako proban hartu genuen parte beste hainbat taldeekin batera. Giro aparta izan genuen, izugarri gozatu genuen, baina tira, onartu beharra dago oraindik badugula zer hobetua igeriketa arloan. Read more →

Martxan gara jada KOBAZ KOBA TRAILaren 2. edizioaren prestaketa lanekin

Categories: Ekitaldien antolaketa, kirol ekitaldiakTags: , , , , , , Author:

2017ko Otsailak 12an, Zestoan, 9:30etatik aurrera bi lasterketa ospatuko dira: ARTZEI BIDEA 16km-takoa eta ZALDEI BIDEA 25km-takoa. Abenduak 16an zabalduko dira izen-emateak kirolprobak.com gunean. 460 plaza besterik ez dira zabalduko, beraz, adi ibili!

Probaren inguruko informazio osoa : http://www.kobazkobatrail.com/ webgunean eta Facebook orrialdean https://www.facebook.com/kobazkobatrail/ .

Gabonetan ere triatloia praktikatzeko aukera izango dute gazteek II NIK TRI Negulekuetan

Categories: Ekitaldien antolaketa, haurrei zuzenduriko ekitaldiak, kirol ekitaldiakTags: , , , Author:

9-14 urte arteko 30 gaztek abenduaren 26tik 30era ospatuko diren triatloi negulekuetan parte hartzeko abagunea izango dute 2016 urteari amaiera ezin hobea emanez.

Bigarren urtez jarraian eta NIK TRI ekimenaren baitan, Getariako Askizu aterpetxean triatloi negulekuak ospatuko dira urtearen hondarrean. 18 urtez heziketa eta kudeaketa arloan lanean diharduen Arazi enpresa batetik eta Fitgüne, Hektor Llanos-en kirol aholkularitza enpresa, bestetik, dira NIK TRI ekimenaren sortzaile eta arduradunak. 2013 urteaz geroztik, triatloiaren gizarteratze zein sustapenerako hainbat jarduera burutzen dihardute eta, II NIK TRI Negulekuekin, 2016ko jarduerei amaiera on bat emateko asmoa dute.

Hala, eskainitako tokien erdiak dagoeneko bete dira baina, oraindik badago beste 15 gazterentzat lekua. 5 eguneko triatloi neguleku hauetan kirola eta aisialdia uztartuko dira, partaideentzako ekintza dibertigarriak burutuz. Bertan, Nik Tri Triatloi Elkarteko hainbat kirol hezitzailek jardungo dute gaztetxoekin lanean, beti ere Hektor Llanos triatloilari handiaren zuzendaritzapean.

Izen-emate eta informazio guztia: www.niktri.eus  eta 943833641. Read more →

EKAINFEST 2016 eta historiaurreko olinpiadak

Categories: Ekitaldien antolaketa, kirol ekitaldiak, kultur ekitaldiak, Museoen kudeaketa eta dinamizazioaTags: , , , , , , Author:

Badator ‘Ekainfest 2016’:

Ekainfest 2016 egitarau zabalaz eta indartuaz dator. Zazpigarren edizio hau ekainaren 12an egingo da. Historiaurreko bizimoduaz eta xarmaz gozatzeko festagune bihurtuko da Zestoa egun osoa. Ekaingo koban duela 14.000 urte zaldi ikusgarriak marraztu zituztenei omentzeko eguna da, eta gure arbasoen bizimoduaren xarma ezagutzeko eta horien historiaurreko bizimodua goratzeko eguna da Ekainfest.

Zestoako Udalaren babesarekin, Ekainberri, Lili Jauregia, Sastarrain baserri eskola, Zestoako Bainuetxea, Zestoako tabernariak eta Zestoako interpretazio eskola ari dira elkarlanean. Araziko antolaketa taldeak hilabeteak daramatza lanean egitarau zabala eta ikusgarria antolatzeko helburuarekin. Read more →